عاجل

1

 

كتبت : ريهام شاكر

الغربه حكايه لا يعلمها سوى من عاشها وعانى منها أحلام جعلتهم يتركوا الوطن بحثا عن تحقيقها وفوجئوا ان ليس هناك من شئ يتحقق بدون معاناه 

جريدة ( المدى الاخباريه ) اجرت حوارا مع بعض المغتربين لتنقل لكم السبب وراء تركهم للوطن والمعاناه التى تواجه هذه الفئه من المصريين حتى يحققوا هدفهم وطموحهم فى الحياه

البدايه عيشه صعبه وقلة وظائف وانعدام الدخل المادى هذا ما جعل هؤلاء يفكرون فى ترك بلدهم ويبحثون عن الرزق فى بلد اخر حتى يأمنوا مستقبلهم ومستقبل عائلاتهم

تحدثنا مع بعض المغتربين لنعرف حكايتهم مع الغربه وما يعانوه 

قال الدكتور وليد حسين

سافرت بسبب تدهور الأحوال في مصر ليس سياسيا ولكن مهنيا حيث كان المرتب لا يكفي بعد الزواج لذلك فكرت في السفر
وللاسف وجدت الأوضاع خارجيا أفضل من داخل مصر سواء مهنيا أو ماديا وقد حددت لنفسى سنوات وأشياء مستقبلية لو حققتها سوف ارجع لبلدي
اصعب وقت مر بى فى الغربه لحظة ميلاد طفلي الأول ودخوله الحضانة لمدة عشر ايام وانا بعيد عنه
وهناك مشكله تواجه الكثير منا هنا فى الغربه وهى تكبر المواطن الخليجى علي الوافد للعمل ببلده ولكن الحمد لله لا اعاني منها لانى اخد حقي بكل أدب واحترام لشخصيتي اولا
والبعد عن الاهل والأحباب والأصدقاء ليس بالسهل 
واكد انه ربما يعود قريبا أن شاء الله الى مصر بعد ان انهى تقريبا 50 % من مشوار الغربة

وقال محمد الشاعر المصري

اولا انا سافرت بره بلدي عشان ابني مستقبلي اللي معرفتش ابنيه في بلدي ولما اتغربت اتبهدلت اكتر وقابلتني مشاكل كتير لحد دلوقتي في مشاكل من نحيت كفيلي اللي بلغ عني هروب وانا في شغلي ومن نحيت اني عانيت ومش لاقي شغل ومن نحيت اني مش عارف اروح بلدي واصعب حاجه السنين اللي عدت من عمري هدر بعيد عن اهلي واحبابي واصحابي من غير فايده وفي الاخر معملتش اي حاجه من اللي حلمت بيها وحجات كتير مريت بيها

كما اخبرنا محمد فرج

ياريت نتكلم عن الناس الي جت هنا علشان تاكل عيش كلت مرار من كفيل نصاب بيبيع تاشيرات وميكنش عنده شركه ويجي العامل ولا يعرف يروح ولا يعرف يشتغل وزيدها كمان حبة نكد لما يروح مبلغ عنك هرووووب يعني ولا هتشتغل ولا هترجع بلدك ويعوض عليك ربنا زيك زي غيرك كتير طيب مفيش حل قصدك مفيش حد يجيب لينا حقوقنا وياريت هنروح بكرامتنا لا انت لازم تتهان عشان انت طلعت مغفل عشان بتدفع فلوس عشان تشتغل عشان تاكل عيش هو ده اكتر حاجه ممكن تتقال وبردو مفيش حل غير ان مستقبلك يضيع واحلامك وكل حاجه كان نفسك فيها من طموحك ويروح العمر بعيد عن اهلك وناسك واخواتك واصحابك اتكلم عن كل حاجه بتحصل معانا احنا مش متغربين للبهدله احنا جينا ناكل عيش بل التعب والشقي والاسي والهجر مش جين نتهان

وقال لنا أحمد جمال

لقيت نفسى فاضى وصايع قولت امشى رجلى لغاية الرياض
واحب اقول ان مصر اجمل بس تقول ايه قلة عقل
وانا موصلتش لسه للى اتمناه بس مسافة الطريق اوصل بس وبعدين احكيلك على كل حاجه
ومن ضمن ما عانيته حقيقى لما سعودى رفع عليا العقال وعاوز يضربنى فى قلب شغلى
مفيش مشاكل ابدافى الغربه غير انك بس معرض فى اى وقت تدخل السجن بسبب اى سعودى او
سعودى شاب يضربك بالسياره ويطلع يجرى زى ما بيحصل كل يوم دى عينه بس
اتمنى من ربنا ان الظروف فى مصر تتحسن علشان منكملش فى المرمته دى ونرجع لان دى مش بلادنا ونفسى ارجع على رجلى نفسى لا مترحل ولا متكفن
سؤال لا يعلمه الا الحنان المنان رب السموات والارض

واخبرنا رضا دره

ملقتش فى بلدى فرصه للعمل علشان اقعد فيها وبالفعل الوضع خارج مصر احسن بكتير من داخلها
اتمنا لبلدى انها تفتح مجالات عديدة للشباب لمساعدتهم وهستقر فى بلدى اكيد لما احقق حلمى الى سفرت علشانه وكمان لما بلدى تستقر علشان انزل اعمل فيها مشاريع
وقت الغربة كله صعب طبعا وليس بعض الوقت

وقال خالد محمود

سبب تفكيري فى السفر هو قلة الدخل بالنسبالي وتقريبا لاقيت نص الي عايزه هنا والحمدلله والباقي على ربنا والاوضاع برة على حسب الدولة بس تقريبا احسن بكتير من مصر للاسف واصعب لحظة شئ فى الغربه عدم وجود الاسرة واتمني لبلدي انها تبقي احسن من الخليج كله وارجع اما ربنا يكرمني بقرشين اتجوز واشوف اي مشروع واستقر

الجدير بالذكر ان السبب الغربه واحد وهو قلة العمل والدخل المادى

وايضا نجد ان المشاكل التى تواجه هؤلاء هى مشاكل مع الكفيل او تعرضهم لحوادث ولم يجدوا من يقف معهم فى حال تعرض احدهم لاى موقف او مشكله

وتمنى الجميع ان تهتم الدوله بالمغتربين لانهم جزء من مصر واشادوا بدور الرئيس خلال الفتره الماضيه

وناشدوا الرئيس عبد الفتاح السيسى والحكومه ان تنظر لهم وتعمل على حل مشاكلهم فى اقرب وقت وان يراعوا ما يعانيه المغترب خارج بلده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

توفر لدي معرضنا💪🏻💯 اجود واحدث انواع الكراسي البردى التراثية ومراجيح منزليه ويوجد ايضا جميع انواع اطقم الراتان وجميع انواع الكراس البامبو التي تكمل الأناقة❤️🥳 ويوجد أيضاً صيانه وتجديد لجميع انواع الكراسى القش والراتان👋🏻 اجود الخامات والتصميمات بارخص الاسعار بمعرض الباشا💯💥 والبامبو لو عندك مطعم او فندق او كافيه جديدة وبتدورى على ديكور مطعم مش هتلاقي زينا😎 مطابخ و فنادق و قرى سياحيه وكافيهات ...👌🏻 صمم كافيهك بنفسك بالمقاسات و الالوان التعجبك 😍واحنا علينا التنفيذ خاليك ديما مميز 😉 وباقل الاسعار تحطيم اسعار👌😳

للتواصل موبايل وواتساب

01118032500📲

أو من خلال رسائل الصفحة 📩

https://www.facebook.com/Ba256