عاجل

13001242_606202926204527_5647687644996200853_n

أوقات*
بقلم الشاعر احمد هارون كراويه
يخطر فى بالى
كلام كتير
احلم…اطير
ويا الامل والامنيات*
احلم اكون
قنديل فى عتمه
ليل طويل
ابيض برئ*
حته خشب جوه المحيط
يمكن فى يوم
تنقذ غريق*
أوقات
أحب فيك
كل المشاعر والدلال
واحب لون رقه عنيك
وحاجات كتير*
وأهرب ساعات
من نفسى قبل ماتنتبه
لكلامى لما بيتولد
لحظه سكات*
أوقات
مابحبش اللى اسمه الحنين
علشان خطير*
وعشان بيفتن ع البنات*
وعشان مثير*
والسر عنده ماهوش فى بير*
بيطبع شقاوه قلبهم
على صدرهم
بيفور يفور
هد المعابر والجسور
تختارى عصر تكونى فيه
لو حتى عصر المعجزات*
ياهل ترى
ممكن أكون المستحيل*
عاشق بيحلم بالنهار
ويخاف من الليل السئيل
لما يخيم ع المشاعر*
يا فرحه الصبح
اللى جاى من همس شاعر*
انت اللى باقيه من الامل
فى قلوب تعبها الانتظار*

The following two tabs change content below.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *