بقلم : د . نور الدين سعد

هناك عوامل كثيرة لابد من الإلتزام بها حتى تصل إلى أهدافك وتحقيق النجاح فيما تريد ومن أهم هذه العوامل

1- التخطيط

في جمله بتقول ” إن لم تخطط لحياتك ستكن جزءاً من مخططات الأخرين ” .

من الأخر أنت لو عايش بدون خطط واضحه  ومنظمه لاهدافك , مش هتوصل لحاجه لازم تتعلم تخطط لأهدافك بشكل منطقي

2- التنظيم وإدارة الوقت

فيه شخص بيعمل ف يومه 10 حاجات و فيه شخص تاني لما بيكون عنده حاجتين بيأجل منهم واحده

 الفرق بين الإثنين إن الأول منظم يومه و المهام اللي هيعملها ومرتبها من حيث الأولويات ، والتاني بيعيش بشكل غير مرتب عشان كده التنظيم من أهم المهارات اللي تساعدك تنجح

3- تحمل  المسئوليه

أي شركة أو كيان بتكون عايزه موظفين يتحملوا المسئوليه يعتمد عليهم في شغل مش اطفال أول ما يلاقوا فيه ارقام مفروض تتحقق و شغل لازم يتعمل يبدأوا يتهربوا ويتحججوا ما ينفعش تكون الشخص اللي لما بيجي وقت الجد يقول لأ مش شغال

4- التطوير المستمر

لو انت بتعرف تعمل 5 حاجات و مكتفي بيهم هتلاقي ناس بتعمل 6 و 7 فانت هتختفي، لازم دايماً تكون في حاله تعلم و تدريب و تطوير لنفسك وده مش عشان الشغل اللي انت فيه دلوقتي بس ده عشان نفسك ف العموم . خاصة ان معظم الشركات بقت بتدور أكتر على الشخص اللي بيعرف يعمل أكتر من حاجه ( وسواء كنت حابب ده او كارهه فهو واقع لازم تتعامل معاه )

5 – الانضباط

وده أمر نسبي بيختلف من شغل للتاني و لكن الانضباط كصفه حرفياً من أهم مقومات نجاحك كونك بتشتغل بشكل منضبط ده هينعكس على نتائج شغلك حتى لو مهاراتك محدوده. انضباطك و متابعتك هيخلوك تتطور في العمل بشكل أو بآخر.