عاجل

بقلم الشاعر احمد هارون كراويه.

 

*بلقيس*

الليل طويل
والقصه لسه بتبتدى
والديك مصهين ع الادان
وقفل على السر المباح
لمايكمل قصتك
ويا الصباح*
***********
بلقيس
ياجاره الشمس
اللى بتخاف م الشروق*
من خاف ندم
لو كنت هتخاف
م الامل والامنيات
العمر فات
والفرحه فى كتاب الامل
معجونه من طين الهوى
لهفه وشوق*
************
بلقيس
يا اخر كلمه فى
كتاب التاريخ
واول كلمه فى
كتاب الهوى
يا فرحه العمر اللى باقى
ونور الليالى المعتمه
انا موش بحبك والسلام
جسد وروح*
انا احب اعيشك ملحمه
هربانه من كل الخيال
وساكنه فوق ارض الوضوح*
*************
بلقيس
البحر وهم
ماترفعيش الحلم
عن حد الامل والمستطاع*
العمر قبلك كان مشاع*
طرحت غصون العمر
فيهم سنبله
وسنين عجاف*
فأنا مش هخاف
رغم المراره والضياع*
لسه الامل فى عينيكى
وعد بحققه
من غير تردد أو خداع*
12932880_599686513522835_7775311617514718447_n

The following two tabs change content below.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *