عاجل

 

كلمه هاقولها ياأهلى وناسى **
ف أرض الوادى…
فين عوّاد؟؟
…………..
مصر يا أ ُمـّى يازهر فؤادى**
زرعك ياامـّا ..
انباع فى مزاد..؟
……………….
قلبى زمان كان نبضه حنيـّن**
ليه فى زمانـّا..
اشتد ّ وزاد..؟
………………
بسأل جارى ف وسط الحاره**
ليه الظـُلم..
ف قلبك زاد..؟
………………..
قال لى قبل ما تعرف منى..
إسأل واعرف ..فين عو ّاد..؟
……………………
كان فى زمانكوا عو ّاد واحد..
كان أضحوكة..
بنت وواد..؟
………………
قوى ياخساره وألف خساره..
فين القمحه..
ف أرض الواد..؟
………………
فين القطن طويل التيله..
هاجر بلدى ..أم ّ الأمجاد
فين القمحه وفين أراضيها..
صبحت ذ ِكرى ..
للأحفــــــــــــــــاد..؟
…………………….
ياابن بلادى الأرض الطاهره..
ليه القمح يكون من بـَرَّه..
مصدر دمـّك …؟
م الأجــــــــــــداد؟؟
ينفع فينـــــــا …
يكون عوّاد..؟
…………………..
رجـّع قــُطنة أرض بلادى..
رَجـَّع ياللا تاريخ أجدادى..
وكمان قمحة بلدى الحـُرّه ..
وبلاش أكل الواد من بر ّه…
وافصـِل عنـّا ..ميت عوّاد ..
حتـّى ان كان …من أهل عـِماد..؟
حتـّى ان كان من أهل عماد..؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *