عاجل
 13138968_814359885375634_7840115350238606803_n

للشاعر / وليد عرفه

بلاش نهرب
من الواقع
بلاش ندارى فالذكرى
بلاش نندم على أمبارح
عشان نقدر نعيش بكره
………………………
بلاش نهرب
عشان خايفين
بلاش خوفنا
يتوهنا
يا طول الصبر فى الاحزان
كفايه الحزن كتفنا
هناخد أيه من التوهه
دا طول البعد شتتنا
………………………..
سراب حلمك بقى واقع
وصمتك عدا حد الصوت
مفيش حاجه بنحلمها
ويجى وقتها وتموت
ما دام حلمك تكون
هتكون
مادام قادر تعيش
هتعيش
عشان حلمك حرير بكره
فلازم ترتديله الخيش
………………………….
دور كل يوم جواك
على الحاجه اللى راح تبقى
لون كل حاجه بلون
وأرسم كل يوم البوم
وخلى الذكريات تبقى
…………………………

كل الصعب فـ الآوقات
هيجى الوقت يتبدل
فحاول تبقى زى الموج
بيبلع كل شئ جواه
وقبل الفجر يطردها
عشان يبدء نهاره جديد
عشان يخلى من الذكرى
عشان أحلامنا
شط بعيد
فلازم يبقى فيه بكره
لسه فى الآمل بكره

 

The following two tabs change content below.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *