عاجل

1

كتبت :  ريهام شاكر

إجتمع مساء أمس طلاب كلية التعليم الصناعى لمناقشة ما سوف يتم بعد رفض الوزاره لمطالبهم .

وكانوا قد قدموا منذ فتره مطالب من شأنها النهوض بكليتهم وتخصاصتهم وجاءت هذه المطالب كالتالى :

مطالبنا كطلاب التعليم الصناعى
تغيير اسم الكلية لكلية العلوم الهندسية والتطبيقية
وتقسيم الكلية لشعبتين : علوم هندسية وهندسة تطبيقية
انا مش عاوز اكون مهندس زى ما الكل معتقد انا عاوز اكون معلم هندسى بالدبلومات عشان طالب الدبلوم او الصنايع اللى البلد كلها شايفاه جاهل اطورة وانمية واخلية يطلع فعلا ينفع بلدة ويشتغل فى الصناعة اللى من غيرها هنفضل طول عمرنا فى المستنقع دا ومش هنطلع منه
‫#‏المانيا‬ فيها المدارس الفنية اهم من الشبيهه بالثانى العام لان الناس دى بتفكر صح وعارفين ان الصناعة هى الاساس وهى اللى بتقوم اى بلد فى العالم !!!
ياجماعة احنا مبنصنعش حاجة ولا بنصدر حاجة رغم اننا عندنا مواد خام كتير وعندنا الشباب بس مش مؤهلين ولا بيتوظفوا صح ! طالب الصنايع اللى هو المفروض بيصنع بايده بيشترى التوكتوك قبل ما يخلص مدرسة والشهادة بتلنسبالة محو امية !!!!!!!
احنا عاوزين شعبة هندسة تطبيقية مش هنتساوى بيها بالمهندس ولا انا بقول انى بتساوى بيه لانه بالفعل درس مواد اكتر او نفس المواد بس بتعمق اكتر انؤ بقول انى هكون المهندس التطبيقى اللى بيتعامل مع العمال بشكل مباشر وبيطبق المشاريع ويشرف عليها من غير ما يقعد فى مطتب تحت التكييف ويصمم ويبقى مدير ! ؛
الطالب عندنا فى الكلية بيدرس 9 سنوات فى نفس التخصص 3 دبلوم و 2 معهد فنى و 4 بكالوريوس وفى النهاية ملوش توصيف وظيفى!
احنا بنقدم للبلد اللى بيساعدها وبيطورها وينهض بيها واحنا على يقين وثقة تامة اننا نقدر نخليها احسن بلد فى العالم .
‫#‏الصناعة_هى_الاهم‬
‫#‏اسمعونا‬
‫#‏ادعمونا‬
‫#‏عايزنها_علوم_هندسية_وتطبيقية‬

وللاسف تم رفض هذه المطالب  وهذا ما أثار غضب الطلاب وقرروا عقد إجتماع أصدروا خلاله بيانا جاء نصه كالتالى :

1

الجدير بالذكر أن طلاب كلية التعليم الصناعى أرادوا  أن يتعرف الناس على كليتهم فذكروا شرحا مبسطا تعريفا لها جاء كالتالى :

بسم الله الرحمن الرحيم

اولا نعرف الناس الكتيير عن كلية التعليم الصناعى هم  دائما يقولون انها بتخرج مدرسين نظرى وعملى
ولكن الحقيقه غير هذا تماما والحقيقه ان هذه الكليه هدفها الحقيقى تخريج مهندسين مؤهلين ومدربين على تدريب وانشاء عماله
فنيه مدربه وذلك رغما عن ارادتهم طب ليه ؟ لان مافيش حد من المهندسين بيرضى يساهم فى التنميه بدليل عدد المهندسين
اللى فكر يساهم فى تنمية وانشاء عماله فنيه (بالمدارس الفنيه ) طبعا العدد ……. ولا تعليق,,,,وذلك لعمل نهضه بالصناعه

راحو عاملين الكليه دى ياخدوا المتفوقين من التعليم الفنى ويكملوا دراسه هندسيه فى الجامعه من نفس الدكاتره المحاضرين فى نفس التخصصات فى الكليات الاخرى ويحصلوا على مستوى علمى عالى جداااا وده شىء جميل ولكن رفضوا انهم يقولوا عليهم مهندسين وقالوا عليهم مدرسين للنظرى والعملى ونسيوا تماما وجود شعبة متخصصه للتعليم الفنى (شعبة تعليم صناعى) بكليه التربيه ورفضوا تماما يعاملوا خريجى الكليه نقابيا كبقيه خريجى الكليات وتجنبوا ذكر الاسم الهندسى تماما فى المؤهل المسئول عن تفسير ماهيه الدراسه ومحتواها والاسئله دى بتطرح نفسها !!!!

1) لما هو الهدف مدرسين للتعليم الفنى ليه تم انشاء كليه باكملها اسمها كليه التعليم الصناعى ولم يتم انشاء توسعات بكليه
التربيه شعبة التعليم الصناعى ؟
2) لو طلبة تعليم صناعى دول مدرسين ليه لا يتبعوا نقابه التربويين ؟
3) طلبة تعليم صناعى دول مدرسين ليه ليهم مشاريع تخرج هندسيه ؟
4) لو طلبة تعليم صناعى دول مدرسين ليه بيتم تدريس مواد هندسيه بهذه الكثافه لمدرسين ؟
5) لو طلبة تعليم صناعى دول مدرسين ليه بياخدوا بكالوريوس تكنولوجيا وليس بكالوريوس تربيه ؟
6) لو طلبة تعليم صناعى دول مدرسين ليه تنسيق الكليه مختلف عن تنسيق كليه التربيه المنوطه بتخريج الساده المدرسين ؟
7) ولما مافيش تكليف وان الكليه مستواها العلمى ضعيف ليه ارتفع تنسيقها لهذ الحد ؟

حقيقه مؤلمه عند عمل خريجي هذه الكليه بسوق العمل يعاملون كفنيين طب هل يعقل ان يعاملخريج جامعي كـفنى ؟
هل يعقل ان يعامل خريج جامعى بتخصص هندسى كـفنى ؟

ورغم هذا كله محظور على طلبة هذه الكليه الحصول على عضويه نقابه المهندسين رغم الدراسه الهندسيه لاشتراط النقابه بدراسه خمس5 سنوات ولا يمنح خريجى هذه الكليه فرصه تكمله دراسه 5 سنوات ولا معادله للبكالوريوس لماذا ؟ والى متى هذا الوضع ؟؟؟؟؟؟
‫#‏انا_طالب_بكليه_العلوم_الهندسيه_والتطبيقيه‬

ومن هذا كله فقد تبينت المشكله التى بسببها سيدخل صباح غدا  الاثنين طلاب كلية التعليم الصناعى فى إعتصام مفتوح كما ذكروا فى بيانهم حتى يتم النظر إلى مطالبهم وتنفيذها .

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *