عاجل

الشاعر / احمد هارون كراويه
لغروبك
على حدودك
مع أخواتى هنا مرابطين*
وأكمل ليلك الدافى
أغنيلك
فى مواويلك
مع القماريه والنجمه
كما العاشقين*
أنا الموجوع بأوجاعك
أنا دراعك
وف رباطك ليوم الدين*
أنا المولود
من وجع الالم فرحه
وطاقه نور
أنا المعجون من صبرك
بميه نيلك الزرقا
وريحه الطين*
أنا الواقف فى طوابيرك
بقالى سنين*
ومايأستش
ومستنى يصبنى الدور
أنا المصرى بدون تمييز
أنا التوته وأنا الساقيه
وأنا الجميز
أنا التايه فى حواريكى
ألملم صبرى وأسقيكى
بحلم جديد
أنا منك وطبعى عنيد
أنا شجره أمل نابته
فى أرض البور
أنا حاسس بأنى عزيز
بأيمانى
بأنك لسه عوازنى
يابلدى شهيد*

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *