عاجل

a35a5778eea802dff1fe85ed163f4de8

أنا:
قل يا أيها الكافرون بدين الحب ..
سجدة شكر للمولى
ولا هجر، ولافراق، ولا ضعف ..
ولا نفس مذلولة
ولا عجزك، وقصر يدك عن حبيبك ..
كانها مغلولة
ولا انك تبات صاحي، بكا ونواح ..
وبنغمة مسطولة
اديني حبيت، وقلبي اتسرق مني ..
وقيودي ف يدي مقفولة
وتلعن يوم ماقلبك دق، جيت للحق ..
ما قلبك دقته مشلولة

هي:
آمنت بحبك الكافر بدين بُعدي ..
وعايشة في حبك الجنة
وحضنك كل املاكي، اقصى امانيا ..
لو كان من حقي اتمنى
وبادعي قلبك يكون ملكي، يكون ليا ..
في صلاتي، فرض أو سنة
وحالفة طول ما عني انت بعيد ..
لنهاية العمر هستنا
بحبك حب خلاني احبك بكل شئ فيا ..
وانا جمبك، أو اتفرقنا
ياريتني ماجيت جمبك، ولا انت جيت ليا ..
ياريتنا ما عشقنا
—–
أنا:
قل يا أيها العشَّاقين الهيمانين العشمانين ..
تيجوا انتوا ايه جمبي
حبيتها انا حب بحبكم كلكم، عشقكم كلكم ..
ما يسوى لحظة من حبي
كل الهيام اللي قلوبكم حاسة بيه ..
مايجيش دقة من قلبي
لا عشمكم في عشاقكم ولا عشمي ..
في اللي سَلك دربي
شفعلي يوم الحكم عليا بالاعدام ..
وذنبي كان حبي
ياأيها المستنيين، مفيش قصة راح تكمل ..
الا من رحم ربي

هي:
قل يا أيها الشامتين الفرحانين فينا ..
ادينا فارقنا لما حبينا
قيموا الغنا والفرح 40 يوم بلياليهم ..
فكرونا ان الحب مش لينا
قولتولنا مسمعناش، محبناش نسمع ..
كان حبنا عامينا
من حقكم تشمتوا، في عز بردكم ..
كان حبنا مدفينا
غير كل شئ فينا، ولو كرهنا الحياه بينكم ..
يطير بينا، وحدينا
حبينا طمعنا الحسادين فينا، وادينا ..
ياريتنا ما حبينا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *