كتب : احمد زهران
الشعر داء الفضفضه وانا لسه غرقان ف السكوت
تراتيل مشاعري مغمضه والموهبه ف الأصل موت
كل الحاجات مترتبه من كترها زاد الزحام
اصبحت ف لحظه مكركبه مين اللي جاوب ع السؤال !!
مين اللي ساق المركبه ؟! طب مين يخوض التجربه ؟!
والشعر مل من الكلام تنده ف جيش الموهبه
مبقاش بيديلك تمام تايه يا عيني ف حجرها بين الزحام
هو اللي مات من بعدها ولا اللي طار بين الحمام
لسه ف قاموس الأسئله ناقص سؤال مين اللي يسرق شعرها سواء ده كان بالاهتمام او بإحتيال
لسه ف حالات الإدعاء باقي اتهام
مين اللي كاتب ع الورق ليلي تجوز شبه انعدام
الشعر داء الفضفضه مل الكلام
هات العلاج والمضمضه غرغر قصايدك ف السؤال
أطلق جناح الأسئله الفكره دايره ب سمها مين اللي كان وياك هنا !
وأنت بتشرب دمها وأنت بتكتب إسمها مين اللي قالك موهبه !
وأوعاك تغافل عنها ده الحرف جوه التجربه واكل ضلوعك كلها
وده أنهي جاهل فهمك إن القصايد تتسجع تشفي الوجع
ومعشمك إن السطور إبداع ونور دستور قبول للي اتمنع
ده الشطر بتر ف حضن سطر فاضح علل من بعد ستر تغيير مواضع
للوجع مش كل جاهل يتسمع
جريدة المدى الاخباريه
Latest posts by جريدة المدى الاخباريه (see all)
- وزارة الداخلية تطلق المرحلة الثانية من مبادرة “كلنا واحد” - 1 أبريل,2020
- الصحة: تسجيل 69 حالة إيجابية جديدة لفيروس كورونا..و6 حالات وفاة - 1 أبريل,2020
- شركة سجائر عالمية تعمل على لقاح فيروس كورونا باستخدام أوراق التبغ - 1 أبريل,2020
- السعودية تطلب من العالم الإسلامي التريث في التحضير للحج - 31 مارس,2020
- ابتسام أمام القاضي: زوجي يأتي بملابسه الداخلية مقطعة يوميا - 7 ديسمبر,2019
اترك تعليقاً